O
Grupo Nacional para o Estudo e Asesoramento en Úlceras por Presión e Feridas Crónicas (GNEAUPP), no seu documento técnico núm. II (2014), tendo en conta os últimos avances, especialmente o novo modelo teórico desenvolvido por García Fernández et al. propón a seguinte definición, coincidente no básico coa de EPUAP/NPUAP: “Unha lesión localizada na pel e/ou o tecido subxacente polo xeral sobre unha prominencia ósea, como resultado da presión, ou a presión en combinación coa cizalla”. Ao que engade que, “en ocasións, tamén poden aparecer sobre tecidos brandos sometidos a presión externa por diferentes materiais ou dispositivos clínicos”.